វគ្គសិក្សាដែលអ្នកបានចូលមកនេះ មានច្រើនម៉ូឌុល។ ម៉ូឌុលនីមួយៗអាចធ្វើការសិក្សាដាច់ដោយឡែកពីគ្នា។ អ្នកអាចជ្រើសយកជម្រើសសិក្សាផ្សេងៗគ្នា ឬម៉ូឌុលណាមួយ ឬម៉ូឌុលមួយចំនួន។ វគ្គសិក្សាទីមួយដែលយើងយកមកជូនអ្នកនេះ មាន៩ម៉ូឌុល ដែលស្ដីអំពី ទិដ្ឋភាពផ្សេងៗដែលជាមូលដ្ឋានគ្រឹះនៃការកៀរគរធនធានក្នុងស្រុកនិងការធ្វើការប្រាស្រ័យទាក់ទង។ រយៈពេលសម្រាប់ធ្វើការសិក្សាម៉ូឌុលនីមួយៗប្រែប្រួលពី១/២ម៉ោងទៅ៨ម៉ោង។ ប្រព័ន្ធសិក្សាអនឡាញនឹងស្គាល់ដោយស្វ័យប្រវត្តិបន្ទាប់ពីអ្នកបានបង្កើតគណនីនិងបំពេញឈ្មោះដើម្បីចូល។ ប្រសិនបើអ្នកមានសំណួរ អ្នកអាចផ្ញើរមកកាន់ info@changethegameacademy.org 

• ម៉ូឌុល ១ បង្ហាញអំពីសារៈសំខាន់នៃការកៀរគរធនធានក្នុងស្រុក ព្រមទាំងបញ្ចេញឲ្យឃើញនូវបញ្ហាប្រឈមនានាក៏ដូចជាកាលានុវត្តភាពទាំងអស់
• ឌុល ២ សិក្សាអំពីបច្ចេកទេសផ្សេងៗក្នុងការកៀរគរធនធាន
• ម៉ូឌុល ៣ សិក្សាអំពីមូលដ្ឋានសំខាន់ៗនៃការកៀរគរធនធានប្រកបដោយប្រសិទ្ធភាពជាមួយម្ចាស់ជំនួយជាបុគ្គល
• ម៉ូឌុល ៤ សិក្សាអំពីមូលដ្ឋានសំខាន់ៗនៃការកៀរគរធនធានប្រកបដោយប្រសិទ្ធភាពជាមួយម្ចាស់ជំនួយជាស្ថាប័ន(ឬក្រុមហ៊ុនឯកជន)
• ម៉ូឌុល ៥ ជួយឲ្យអ្នកអាចបង្កើតផែនការកៀរគរធនធានសម្រាប់គម្រោងណាមួយ
• ម៉ូឌុល ៦ ជួយឲ្យអ្នកអាចបង្កើតផែនការសកម្មភាពគ្រប់ជ្រុងជ្រោយសម្រាប់សកម្មភាព (ព្រឹត្តិការណ៍)កៀរគរធនធានក្នុងស្រុក
• ម៉ូឌុល ៧ គឹស្ដីអំពីប្រសិទ្ធភាពនៃការប្រាស្រ័យទាក់ទងក្នុងការកៀរគរធនធាន៖ ការរៀបចំបង្កើតសារគោលនិងការធ្វើបទបង្ហាញអំពីគម្រោងណាមួយ
• ម៉ូឌុល ៨ គឹស្ដីអំពីការចាត់ចែងឲ្យមានទំនាក់ទំនងល្អជាមួយម្ចាស់ជំនួយ
• ម៉ូឌុល ៩ គឹស្ដីអំពីការប្រើប្រាស់គេហទំព័រ
• ម៉ូឌុល ១០ គឹស្ដីអំពីការថែរក្សាឯកសារ

នៅចុងបញ្ចប់នៃវគ្គសិក្សា អ្នកនឹងទទួលបានចំណេះនិងជំនាញជាមូលដ្ឋានក្នុងការកៀរគរធនធាននៅក្នុងកម្រិតក្នុងស្រុក សម្រាប់គម្រោងរបស់អ្នក។ អ្នកនឹងអាចកំណត់បានអំពីធនធានដែលត្រូវការរបស់គម្រោងនិងធ្វើការថ្លឹងថ្លែងមើលពីម្ចាស់ជំនួយសក្ដដានុពលទាំងអស់។ អ្នកនឹងយល់អំពីមូលដ្ឋានគ្រឹះនៃការកៀរគរធនធានប្រកបដោយប្រសិទ្ធភាព ហើយក៏នឹងអាចពង្រាងផែនការសកម្មភាពនិងថវិការសម្រាប់អនុវត្តសកម្មភាពកៀរគរធនធាន។ អ្នកនឹងយល់អំពីសារៈសំខាន់ក្នុងការកសាងទំនាក់ទំនងល្អជាមួយម្ចាស់ជំនួយទាំងអស់ ហើយអ្នកក៏នឹងអាចបង្ហាញសកម្មភាពសំខាន់ៗរបស់អ្នកប្រកបដោយភាពទាក់ទាញផងដែរ។

វគ្គសិក្សានេះផ្ដល់ឲ្យអ្នកនូវឧបករណ៍ជាក់លាក់ដូចខាងក្រោម៖

• ផែនការកៀរគរធនធានសម្រាប់គម្រោងមួយ
• ផែនការសកម្មភាពនិងថវិការសម្រាប់អនុវត្តសកម្មភាពកៀរគរធនធាន
• ព៌តមានសង្ខេបរបស់គម្រោង
• បង្ហាញខ្លីតែទាក់ទាញ
• ខិត្តប័ណ្ណអង្គការ
• ផែនការចាត់ចែងទំនាក់ទំនងល្អជាមួយម្ចាស់ជំនួយ
• ផែនការសម្រាប់ធ្វើការប្រាស្រ័យទាក់ទង
• ។ល។ និង ។ល។